Teknologia

Elementu honek jarduteko erak, ekintzak, lan egiteko planak edota erabiltzen diren metodoak barne hartzen ditu. Hori horrela delarik, Curriculumean proposatzen zena oinarritzat hartuko zutela suposatzen dut, eta jasotako emaitzetan ebaluatzen ziren alderdiak kontuan izanik, curriculum-proposamenak lantzen zituztela pentsatzen dut.

Baina idatzitako bizipenari mugatuz gero, erabiltzen zituzten teknikak ohikoenak ez zirela esan dezaket. Adin desberdinetako ikasleak espazio berean jardutea edota eserita lan egiten aritzea, txokoetan jolastu beharrean, ez zen (eta ez da) erabiliena. Hala ere, gorago aipatu dugunez, Curriculumean zehaztuta zeuden helburuak lortzen ziren, ebaluatzeko errubrika batzuen bidez adierazten zirenak.

Aipatzeko beste kontu bat da eskolan ez zegoela jangelarik, liburutegirik, goizeko gelarik, eskolaz kanpoko jarduerarik (pianoko eskolak izan ezik) edo autobus zerbitzurik. Hots, irakasleek erabakitako edo baliabide funtzionalek ahalbidetzen ez zutenez; erakundeak, zerbitzu hauek izan gabe, hezkuntza-prozesuan jarduten zen ikasle guztien ikaskuntza-prozesu egokia gauzatzeko asmoa zuen.